Tuku iho, he tapu te upoko
Neurological Foundation Human Brain Bank
Ko te Neurological Foundation Human Brain Bank, he tino rauemi rangahau pūtaiao puta i te ao nei. Ko tētahi rauemi tēnei hei hāpai i ngā mātai matauranga e pā ana ki te roro me ngā rongoa, maimoatanga whakaora roro. Ka tukuna iho ngā roro e te hunga e pāngia ana e te mate roro, kore mate roro hoki i muri mai i te matenga o aua hunga. Kei roto i pūtautau he tini ngā tīwhiri mō ngā momo mate pērā i te mate Alzheimer’s, Parkinson’s, Huntington’s, epilepsy, motor neurone disease, me ērā atu mate.
Ka whakawāteangia atu te pūtautau, kia tirohia e ngā kairangahau kei Aotearoa nei me tāwāhi, hei rangahau atu i ngā āhuatanga katoa o te roro, me ngā mate ka pā ki te roro.
E ngana kaha ana te Neurological Foundation Human Brain Bank ki te whakawhanui ake i ngā āheitanga i roto i ngā momo rangahau i ēnei roro, ka mahuetia mai e ngā whānau i runga i te aroha ki ngā tāngata e matengia ana e ngā mate roro. Ko ngā mahi ka puta ko te whaktupu pūtau, he pharmacological assay, genome sequencing me ngā rangahau protein analysis. E mahi tahi ana ngā kaimahi o te Neurological Foundation Human Brain Bank me ngā whānau kia mātau ai ngā kaimahi ki te hitōria o te hunga ka tukuna iho ō rātou roro.
Ko te mea nui, ko te whakatutuki i ngā hiahia o ngā whānau a te hunga kaituku i ō ratou roro.
Ko te mahi o ngā kaimahi, he tiaki, he wawao i te mana, te tapu, me te mahara ki ngā kaituku.
Hei tīmata i te tono
Ki te whaiwhakaaro koe ki tēnei āhuatanga, ki te tuku i tō roro, whakakīngia mai te wāhanga tuku taipitopito, ā, ka whakapā mai tātahi o tō mātou tīma ki a koe.
Get in Touch
If you are interested in being a brain donor please fill in the form below to start the brain donation registration process. We will then be in touch.
Donor Information Pack
Our brain bank team will send out a donation pack and may discuss with you more specific medical information, if required.
Discuss with Family
Discuss your wish to donate your brain to science with your family.
Register for Brain Donation
Fill in the donation forms that we send you and return them to us so that we have your offer of brain donation on record.
Contact us When a Donor has Died
The removal of your brain must happen within 24 hours after you die, so your family will need to contact us soon after your death.
Ētahi patai e pataihia ana
He aha tēnei mea te tuku roro?
Mā te tangohanga pokanga, ka tangohia te roro me ngā pūtautau roro i muri mai i te matenga o te tangata. 45-90 ngā mīniti te roa o te mahi tangohanga i muri mai i te mate. Ka mahia tēnei mahi e tētahi o ngā ringa hangarau. Katahi, ka whakahokia te tūpāpaku ki te whānau kia whakaritea rā te uhunga.
Ka tukatukangia te roro, ka tiakina mō ngā mahi rangahau. Ko tētahi hāwhe, ka whakatotoka, tētahi atu ka whakatūria mō ngā mahi tirohanga. Ka puritia ngā roro nei e te Brain Bank. Kāhore e whakahokia ki ngā whānau.
He aha nga hua ka puta i nga tukunga roro?
He tino taonga te pūtautau roro hei whakamārama i ngā mate roro.
Ko te nuinga o ngā momo mate roro horekau nei e kitea i ngā momo atu i te tangata. Koia, he mea nui ēnei mahi rangahau roro. Ko ngā roro kua matea e te mate roro, me ngā roro ora, e tino hiahiatia, kia taea e ngā kairangahau te whakataurite ai. Ko te tumanako, ma ēnei mahi rangahau, ka taea te whakatau rā anō i te pūtake o ngā momo mate roro, me te whakaora i aua mate.
Atu i tērā, ko te mārama ki ngā mahi whānui a te roro, kia mohio ai pēhea honohono ai ngā wahanga katoa o te roro. Te whakawhitiwhiti kōrero i waenganui i ngā neurons,a, ka ahu mai ngā neurotransmitters i ia o ngā pūtau roro. He nui tonu te mahi rangahau kia mārama rawa ki ngā āhutanga katoa o te roro.
Mō ngā kaituku
Me mātua whakaae te kaituku. Me whakaae hoki te whanau, ko te kairīwhi o te kaituku rānei, a muri mai i te mate. Me mārama hoki te kaituku ki te rauemi nei a ‘Information about Brain Donation to the Human Brain Bank for Research’, me te whakaoti i ngā wāhanga ‘Offer of Brain and Other Tissues’. Me whakaoti anō hoki te whānau i te ‘Post-Mortem Consent’ i te wā o te mate.
Ka aha i te wā o te mate?
Ka mahia te tirotiro mate i roto i ngā ruatekau mā whā haora i muri mai i te mate. Ka tangohia te kiko roro e nga kaimahi tiaki tūpāpaku, ka tiakina mō ngā kaimahi a te Brain Bank. Ka whakahokia te tūpāpaki ki te kaitiaki tūpāpaku i roto i ngā iwa teka mīniti o te taenga atu ki te whare tiaki tūpāpaku.
Kia mārama ai te whānau
E tika ana kia whai wā te whānau ki te āta kōrero i tēnei take kia whai wāhi ō rōtou whakaaro katoa. A kia whakatutuki rā anō ōu ake hiahia.
Ka whakaaetia mai taku tono i te wā o te mate?
Ko te nuinga o ngā tono a ngā kaituku, ka whakaaetia i runga i te wairua whakawhetai. Engari mō ētahi o ngā roro, e kore e taea te whakaae mai. Nā te mate hopuhopu, te hītōria o te kaituku rānei, ko ētahi o ngā roro, e kore e taea te whakaae mai. E tika anō hoki kia riro te roro te Brain Bank i roto i te rua tekau mā whā haora i muri mai i te mate.
Ngā momo rangahau e whakahaerehia ana
He maha nga momo rangahau ka taea te rangahau atu i ngā roro ka tukuna mai. Ko te nuinga ka aro te roro me ōna mahi, ngā matū kei roto i te roro,a, ko ēwhea o aua matū e raru ai i te wā o te mate roro. Ka taea te motu i ēhati pūtau i etahi wahanga o te roro, me te whakatupu i aua pūtau. Ko ngā pūtau ora e puritia ana, he ruarua noa iho nei. Engari kei aua pūtau ētahi o ngā āheitanga, pērā i te whakawhiti kōrero ki ētahi at pūtau. Engari ko ngā āheitanga pērā i te whakaputa whakaaro, me te momo whakatangata, ehara i aua pūtau. Mēnā he mate roro tā te roro o te kaituku, ka taea te rangahau atu i aua roro. Mā aua pūtau anō hoki, e taea te rangahau atu i ngā rongoa hou.
E mahi tahi ana mātou me ngā kaitiroira o te Centre for Brain Research, e rangahau ana i ngā momo ira, ko ngā ira e whakararu nei o te roro, me ngā ira e wawao nei i te roro.
Ko ngā hua ka puta i ngā rangahau, ka puritia ai. Kāhore e pānuitia atu ki te whānau a te kaituku.
Ma wai nga pūtautau roro e whakamahi
Ko ngā kairangahau kei roto Aotearoa nei, ēnei roro e rangahau. Hei ētahi wā ka tukuna ngā pūtau roro ki ētathi atu hoa rangahau i roto i ngā whare rangahau me ngā whare wānanga kē. Hei ētahi wā anō hoki, ka mahi tahi mātou me ētahi kamupene rongoa hei rangahau i ngā ronoga. Mēnā ka puta he hua, ka puritia e te Brain Bank.
Mō ngā mea ka mahue mai
Ka puritia ngā pūtau roro ki roto i te Brain Bank kia oti rā anō ngā mahi rangahau. Ko ngā wāhanga o te roro ka mahue mai, ka whakapungarehungia, a, ka mauria ki te Wāhi Tapu o Māngere, ki te wāhanga e rāhuingia mō te whare wānanga.
Ka puritia ngā taipitopito kaituku ki hea?
Ka puritia ngā taipitopito mō ngā kaituku. Ka rāhuingia, ka tiakina, kāhore e pānuitia atu. Kei te Centre for Brain Research, te papa tuarima o te whare 503, Grafton campus, ēr taipitopito e puritia ana. Ko ngā kaimahi anake e āhei ana te whakapā atu ki aua taipitopito. Ki te hiahia koe ki te whakakāhore i tō tono kia tukuna tō roro, me waea mai, īmera, tuhi retai rānei i runga i te wāhitau ki raro nei.
Brain Donation Form
Special thanks to Geremy Hema (Ngāti Paoa, Te Rarawa) for translating this web page to te reo Māori.
Contact Us
For emergencies call 111 or visit your nearest hospital
For general inquiries:
+64 9 923 6072 – Mrs Marika Eszes, Brain Bank Manager
At time of death:
+64 21 287 8476 – Professor Maurice Curtis, Co-Director